printebla versio Strukturo de la Breviero

Vespera Laŭdo ☐

Breviero > Ordinara Tempo > Kvar-semajna Psalmaro > Tria Semajno > Vendredo > Vespera Laŭdo

MALFERMO

Dio, atentu helpi min.

Rapidu subteni min. – kp. Psa 70 (69), 2

Gloro al la Patro kaj al la Filo kaj al la Sankta Spirito,

kiel en la komenco, tiel nun kaj ĉiam kaj en eterno. Amen. Haleluja.

HIMNO

Plasmator hominis, Deus

Hodiaŭ Vi, Kreint' de l' hom',
ordonis iĝi sur la ter'
estaĵoj vivaj, brut' kaj best',
rampaĵoj ankaŭ laŭ la spec'.

Kaj eĉ plej grandaj devas nun
laŭ Via vorto kaj ordon'
submeti al la homo sin,
lin servi kaj obei lin.

De ni, la Viaj, pelu for
malpuron ajnan, kiu sin
hejmigi volas en la kor',
damaĝi nin en mor' kaj ag'.

Ĝojigu nin, fidela Di',
per Via riĉa grac-abund',
nin gardu kontraŭ kverelad',
en Via paco ligu nin.

Al Vi, ho Patro, estu glor'.
Kun Via sam-substanca Fil'
kaj kun la sankta Paraklet'
Vi regas nun kaj en etern'. Amen.

PSALMODIO

Unua Antifono

¶ La Eternulo estas granda;
nia Sinjoro estas super ĉiuj dioj.

Unua Psalmo – Psa 135 (134), 1-12

Gloru la nomon de la Eternulo, *
gloru, sklavoj de la Eternulo,

kiuj staras en la domo de la Eternulo, *
en la kortoj de la domo de nia Dio.

Gloru la Eternulon, ĉar la Eternulo estas bona; *
prikantu Lian nomon, ĉar ĝi estas ĉarma.

Ĉar Jakobon la Eternulo elektis al Si, *
Izraelon kiel Sian trezoron. ¶

Ĉar mi scias, ke la Eternulo estas granda *
kaj ke nia Sinjoro estas super ĉiuj dioj.

Ĉion, kion la Eternulo deziras, Li faras, / en la ĉielo kaj sur la tero, *
sur la maroj kaj en ĉiuj abismoj.

Li levas la nubojn de la randoj de la tero, / Li aperigas fulmojn en la pluvo, *
Li elirigas la venton al Siaj provizejoj. ¶

Li batis la unue-naskitojn en Egiptujo, *
de homo ĝis bruto.

Li aperigis signojn kaj miraklojn interne de vi, ho Egiptujo, *
super Faraono kaj ĉiuj liaj sklavoj.

Li batis multajn popolojn, *
kaj mortigis potencajn reĝojn:

Siĥonon, reĝon de la Amoridoj, / kaj Ogon, reĝon de Baŝan, *
kaj ĉiujn regnojn Kanaanajn.

Kaj Li donis ilian landon kiel heredon, *
heredon al Lia popolo Izrael. ¶

Gloro al la Patro kaj al la Filo *
kaj al la Sankta Spirito,

kiel en la komenco, tiel nun kaj ĉiam *
kaj en eterno. Amen.

Unua Antifono

¶ La Eternulo estas granda;
nia Sinjoro estas super ĉiuj dioj.

Dua Antifono

¶ Ho domo de Izrael, benu la Eternulon;
prikantu Lian nomon, ĉar ĝi estas ĉarma.

Dua Psalmo – Psa 135 (134), 13-21

Ho Eternulo, Via nomo estas eterna; *
ho Eternulo, la memoro pri Vi restas por ĉiuj generacioj.

Ĉar la Eternulo juĝos Sian popolon, *
kaj Li kor-favoros Siajn sklavojn. ¶

La idoloj de la popoloj estas arĝento kaj oro, *
faritaĵo de homaj manoj.

Buŝon ili havas, sed ne parolas; *
okulojn ili havas, sed ne vidas;

orelojn ili havas, sed ne aŭdas; *
kaj ne ekzistas spiro en ilia buŝo.

Kiel ili, tiel estos iliaj farantoj, *
ĉiuj, kiuj ilin fidas. ¶

Ho domo de Izrael, benu la Eternulon; *
ho domo de Aaron, benu la Eternulon;

ho domo de Levi, benu la Eternulon; *
ho timantoj de la Eternulo, benu la Eternulon.

El Cion estu benata la Eternulo, *
kiu loĝas en Jerusalem. ¶

Gloro al la Patro kaj al la Filo *
kaj al la Sankta Spirito,

kiel en la komenco, tiel nun kaj ĉiam *
kaj en eterno. Amen.

Dua Antifono

¶ Ho domo de Izrael, benu la Eternulon;
prikantu Lian nomon, ĉar ĝi estas ĉarma.

Tria Antifono

¶ Ĉiuj nacioj venos kaj ador-kliniĝos al Vi.

Kantiko – Apo 15, 3b-4

Grandaj kaj mirindaj estas Viaj faroj, *
ho Dio, la Sinjoro, la Plej-potenca;

justaj kaj veraj estas Viaj vojoj, *
ho Reĝo de la nacioj. ¶

Kiu ne timos, ho Sinjoro, *
kaj ne gloros Vian nomon?

ĉar Vi sola estas sankta; / ĉar ĉiuj nacioj venos kaj ador-kliniĝos al Vi; *
ĉar Viaj justaĵoj elmontriĝis. ¶

Gloro al la Patro kaj al la Filo *
kaj al la Sankta Spirito,

kiel en la komenco, tiel nun kaj ĉiam *
kaj en eterno. Amen.

Tria Antifono

¶ Ĉiuj nacioj venos kaj ador-kliniĝos al Vi.

VORTO DE DIO

Legaĵo – Jak 1, 2-4

Rigardu ĉion kiel ĝojigan, miaj fratoj, kiam vi falas en diversajn tentojn,
sciante, ke la provado de via fido faras paciencon.
Kaj la pacienco havu sian perfektan faradon,
por ke vi estu perfektaj kaj kompletaj, ne havante mankon.

Responsorio

Jesuo Kristo amis nin. Li nin malligis de niaj pekoj per sia sango.

Jesuo Kristo amis nin. Li nin malligis de niaj pekoj per sia sango.

Li faris nin regno, pastroj al lia Dio kaj Patro.

Li nin malligis de niaj pekoj per sia sango.

Gloro al la Patro kaj al la Filo kaj al la Sankta Spirito.

Jesuo Kristo amis nin. Li nin malligis de niaj pekoj per sia sango. – kp. Apo 1, 5-6

LAŬDKANTO

Antifono

¶ La Eternulo helpas Sian idaron,
memorante Sian kor-favoron.

Laŭdkanto de Maria (Magnificat) – Luk 1, 46-55

Mia animo altigas la Eternulon, *
kaj mia spirito ĝojis en Dio, mia Savanto,

ĉar Li rigardis la humilecon de Sia sklavino; *
ĉar jen de nun ĉiuj generacioj nomos min feliĉa.

Ĉar la Potenculo faris al mi grandaĵojn, *
kaj sankta estas Lia nomo.

Kaj Lia boneco estas por ĉiuj generacioj *
al tiuj, kiuj Lin timas. ¶

Li montris forton per Sia brako, *
Li dispelis fierulojn en la penso de ilia koro.

Li malaltigis potenculojn de iliaj tronoj, *
kaj Li altigis humilulojn.

Malsatulojn Li plenigis per bonaĵo, *
kaj riĉulojn Li forsendis malplenaj. ¶

Li helpis Sian servanton Izrael, *
memorante Sian kor-favoron.

Kiel Li parolis al niaj patroj, *
al Abraham kaj al lia idaro eterne. ¶

Gloro al la Patro kaj al la Filo *
kaj al la Sankta Spirito,

kiel en la komenco, tiel nun kaj ĉiam *
kaj en eterno. Amen.

Antifono

¶ La Eternulo helpas Sian idaron,
memorante Sian kor-favoron.

PREĜADO

Petoj

Dóminum Iesum, quem Pater propter delícta nostra trádidit et propter iustificatiónem nostram resúrgere vóluit, deprecémur dicéntes:

Miserére pópuli tui, Dómine.

Exáudi, quæsumus, Dómine, súpplicum preces et confiténtium tibi parce peccátis,
—ut páriter nobis indulgéntiam tríbuas benígnus et pacem.

Qui per Apóstolum dixísti: «Ubi abundávit peccátum, superabundávit grátia»,
—multa débita nostra lárgiter dimítte.

Multum quidem peccávimus, Dómine, sed tuam confitémur misericórdiam infinítam:
—convérte nos et convertémur.

Salvum fac pópulum tuum, Dómine, a peccátis eius,
—et beneplácitum tibi sit in ipso.

Qui latróni, te salvatórem confiténti, paradísum aperuísti,
—noli defúnctis nostris cæli cláudere portas.

¶ Kompatu, Sinjoro, Vian popolon.

Patro nia

Patro nia, kiu estas en la ĉielo,
sanktigata estu Via nomo.
Venu Via regno.
Fariĝu Via volo,
kiel en la ĉielo, tiel ankaŭ sur la tero.

Nian panon ĉiutagan donu al ni hodiaŭ.
Kaj pardonu al ni niajn ŝuldojn,
kiel ankaŭ ni pardonas al niaj ŝuldantoj.
Kaj ne konduku nin en tenton,
sed liberigu nin de la malbono.

Ĉar Via estas la regno
kaj la potenco
kaj la gloro
eterne. Amen. – Mat 6, 9-13

Preĝo

Ho Eternulo, Sankta Patro,
Via Filo Jesuo Kristo per Vi fariĝis elaĉeto por nia savo.
Helpu al ni vivi tiel, ke ni, per la partopreno en lia pasiono, ricevu la forton de lia resurekto.
Pri tio ni petas per li, nia Sinjoro Jesuo Kristo, Via Filo,
kiu vivas kaj regas kun Vi en unueco kun la Sankta Spirito,
Dio en ĉiuj jarcentoj. Amen. – kp. Mat 11, 30

FINA RITO

Se oni preĝas sola,
aŭ, en komunumo, se ne ĉeestas pastro aŭ diakono:

Beno

Dio benu nin.
Li gardu nin de ĉio malbona
kaj konduku nin al la vivo eterna. Amen.

Sed en komunumo, se ĉeestas pastro aŭ diakono:

Beno kaj Elsendo

La Sinjoro estu kun vi.

Kaj kun via spirito.

Benu vin la ĉiopova Dio, la Patro kaj la Filo kaj la Sankta Spirito.

Amen.

La vespera laŭdo finiĝis. Iru en paco.

Al Dio estu danko. – laŭ Meslibro p. 166, ADORU 095.21