printebla versio Strukturo de la Breviero

Vespera Laŭdo ☐

Breviero > Ordinara Tempo > Kvar-semajna Psalmaro > Kvara Semajno > Lundo > Vespera Laŭdo

MALFERMO

Dio, atentu helpi min.

Rapidu subteni min. – kp. Psa 70 (69), 2

Gloro al la Patro kaj al la Filo kaj al la Sankta Spirito,

kiel en la komenco, tiel nun kaj ĉiam kaj en eterno. Amen. Haleluja.

HIMNO

Luminis fons

Ho Lumo-fonto, Lum' kaj Lum-leviĝo,
estu favora Vi al niaj preĝoj.
Peko-tenebro fuĝis. Nin ornamu
per Via lumo.

Nun fin-faritas nia tag-laboro.
Sub Via vid' ni sentas nin sekuraj.
Dankon al Vi! Volonte ni Vin dankos
tempon post tempo.

Jam sun' foriris, kaj mallum' revenis.
Al ni radios jena vera Suno,
per kies ardo fulmas kiel steloj
ĉiuj anĝeloj.

Nun ĉiu pek' de l' hodiaŭa tago
estu de Kristo milde forprenita,
ke nia koro glimu dum la nokto
pure brilante.

Laŭdon al Vi, ho glora Dio-Patro,
al Vi, ho Fil', al Vi, ho Sankta Spiro.
Vi per majesta sceptro ĉion regas
tra la eonoj. Amen.

PSALMODIO

Unua Antifono

¶ Gloru la Eternulon,
ĉar eterna estas Lia boneco.

Unua Psalmo – Psa 136 (135), 1-9

Gloru la Eternulon, ĉar Li estas bona, *
ĉar eterna estas Lia boneco.

Gloru la Dion de la dioj, *
ĉar eterna estas Lia boneco.

Gloru la Sinjoron de la sinjoroj, *
ĉar eterna estas Lia boneco.

La sola faranto de grandaj mirakloj, *
ĉar eterna estas Lia boneco; ¶

kiu saĝege kreis la ĉielon, *
ĉar eterna estas Lia boneco;

kiu etendis la teron super la akvo, *
ĉar eterna estas Lia boneco;

kiu kreis grandajn lumojn, *
ĉar eterna estas Lia boneco;

la sunon, por regi en la tago, *
ĉar eterna estas Lia boneco;

la lunon kaj la stelojn, por regi en la nokto, *
ĉar eterna estas Lia boneco. ¶

Gloro al la Patro kaj al la Filo *
kaj al la Sankta Spirito,

kiel en la komenco, tiel nun kaj ĉiam *
kaj en eterno. Amen.

Unua Antifono

¶ Gloru la Eternulon,
ĉar eterna estas Lia boneco.

Dua Antifono

¶ Grandaj kaj mirindaj estas Viaj faroj,
ho Dio, la Sinjoro, la Plej-potenca. – el Apo 15, 3

Dua Psalmo – Psa 136 (135), 10-26

Kiu batis Egiptujon en ĝiaj unue-naskitoj, *
ĉar eterna estas Lia boneco;

kaj elkondukis el ĝia mezo Izraelon, *
ĉar eterna estas Lia boneco;

per forta mano kaj etendita brako, *
ĉar eterna estas Lia boneco;

kiu fendis la Ruĝan Maron en du partojn, *
ĉar eterna estas Lia boneco;

kaj trairigis Izraelon tra ĝi, *
ĉar eterna estas Lia boneco;

kaj enĵetis Faraonon kaj lian militistaron en la Ruĝan Maron, *
ĉar eterna estas Lia boneco. ¶

Kiu kondukis Sian popolon tra la dezerto, *
ĉar eterna estas Lia boneco;

kiu batis grandajn reĝojn, *
ĉar eterna estas Lia boneco;

kaj mortigis reĝojn potencajn, *
ĉar eterna estas Lia boneco;

Siĥonon, reĝon de la Amoridoj, *
ĉar eterna estas Lia boneco;

kaj Ogon, reĝon de Baŝan, *
ĉar eterna estas Lia boneco;

kaj donis ilian landon kiel heredon, *
ĉar eterna estas Lia boneco;

heredon al Lia sklavo Izrael, *
ĉar eterna estas Lia boneco; ¶

kiu rememoris nin, kiam ni estis humiligitaj, *
ĉar eterna estas Lia boneco;

kaj liberigis nin de niaj premantoj, *
ĉar eterna estas Lia boneco;

kiu donas panon al ĉiu karno, *
ĉar eterna estas Lia boneco. ¶

Gloru la Dion de la ĉielo, *
ĉar eterna estas Lia boneco. ¶

Gloro al la Patro kaj al la Filo *
kaj al la Sankta Spirito,

kiel en la komenco, tiel nun kaj ĉiam *
kaj en eterno. Amen.

Dua Antifono

¶ Grandaj kaj mirindaj estas Viaj faroj,
ho Dio, la Sinjoro, la Plej-potenca. – el Apo 15, 3

Tria Antifono

¶ Dio sciigis al ni la misteron de Lia volo:
ĉion sumigi en Kristo.

Kantiko – Efe 1, 3-10

Benata estu Dio, *
la Dio kaj Patro de nia Sinjoro Jesuo Kristo,

kiu benis nin per ĉia beno spirita *
en la ĉielejoj en Kristo;

kiel Li elektis nin en li *
antaŭ la fondo de la mondo,

por ke ni estu sanktaj kaj senmakulaj *
antaŭ Li en amo. ¶

Li antaŭ-destinis nin por fil-adopto / per Jesuo Kristo al Si mem, *
laŭ la aprobo de Sia volo,

al la laŭdo de la gloro de Lia graco, *
per kiu Li favoris nin en la Amata;

en kiu ni havas la elaĉeton per lia sango, / la pardonon de niaj pekoj, *
laŭ la riĉo de lia graco,

kiun li abundigis al ni *
en ĉia saĝeco kaj prudento. ¶

Li sciigis al ni la misteron de Lia volo, *
laŭ Lia bon-volo,

kiun Li antaŭ-decidis en li, *
por dispono en la pleneco de la tempo,

por sumigi en Kristo *
ĉion, kio estas en la ĉieloj kaj sur la tero. ¶

Gloro al la Patro kaj al la Filo *
kaj al la Sankta Spirito,

kiel en la komenco, tiel nun kaj ĉiam *
kaj en eterno. Amen.

Tria Antifono

¶ Dio sciigis al ni la misteron de Lia volo:
ĉion sumigi en Kristo.

VORTO DE DIO

Legaĵo – 1 Tes 3, 12-13

La Sinjoro pligrandigu kaj abundigu ĉe vi la amon de unu al la alia kaj al ĉiuj, kiel ni amas vin;
por ke li faru viajn korojn senkulpaj kaj sanktaj antaŭ nia Dio kaj Patro,
ĉe la alveno de nia Sinjoro Jesuo kun ĉiuj liaj sanktuloj.

Responsorio

Mia preĝo valoru antaŭ Vi kiel incenso.

Mia preĝo valoru antaŭ Vi kiel incenso,

la levo de miaj manoj kiel vespera oferdono,

kiel incenso.

Gloro al la Patro kaj al la Filo kaj al la Sankta Spirito.

Mia preĝo valoru antaŭ Vi kiel incenso. – Psa 141 (140), 2

LAŬDKANTO

Antifono

¶ Mia animo altigas la Eternulon,
ĉiam kaj eterne.

Laŭdkanto de Maria (Magnificat) – Luk 1, 46-55

Mia animo altigas la Eternulon, *
kaj mia spirito ĝojis en Dio, mia Savanto,

ĉar Li rigardis la humilecon de Sia sklavino; *
ĉar jen de nun ĉiuj generacioj nomos min feliĉa.

Ĉar la Potenculo faris al mi grandaĵojn, *
kaj sankta estas Lia nomo.

Kaj Lia boneco estas por ĉiuj generacioj *
al tiuj, kiuj Lin timas. ¶

Li montris forton per Sia brako, *
Li dispelis fierulojn en la penso de ilia koro.

Li malaltigis potenculojn de iliaj tronoj, *
kaj Li altigis humilulojn.

Malsatulojn Li plenigis per bonaĵo, *
kaj riĉulojn Li forsendis malplenaj. ¶

Li helpis Sian servanton Izrael, *
memorante Sian kor-favoron.

Kiel Li parolis al niaj patroj, *
al Abraham kaj al lia idaro eterne. ¶

Gloro al la Patro kaj al la Filo *
kaj al la Sankta Spirito,

kiel en la komenco, tiel nun kaj ĉiam *
kaj en eterno. Amen.

Antifono

¶ Mia animo altigas la Eternulon,
ĉiam kaj eterne.

PREĜADO

Petoj

Iesum, qui sperántes in se non derelínquit, húmili deprecatióne rogémus:

Deus noster, exáudi nos.

Illuminátor noster, Christe Dómine, Ecclésiam tuam illústra lúmine tuo,
—ut géntibus prædicet te, magnum pietátis sacraméntum, manifestátum in carne.

Sacerdótes et minístros Ecclésiæ tuæ serva,
—ut, cum áliis prædicáverint, ipsi fidéles in tuo servítio inveniántur.

Qui pacem mundo præstitísti per sánguinem tuum,
—discórdiæ peccátum et belli flagéllum avérte.

Grátiæ tuæ cópia coniugátis aŭiliáre,
—quo perféctius signíficent Ecclésiæ tuæ mystérium.

Omnibus concéde defúnctis véniam peccatórum,
—ut per misericórdiam tuam inter sanctos respírent.

¶ Kristo, elaŭdu nin.

Patro nia

Patro nia, kiu estas en la ĉielo,
sanktigata estu Via nomo.
Venu Via regno.
Fariĝu Via volo,
kiel en la ĉielo, tiel ankaŭ sur la tero.

Nian panon ĉiutagan donu al ni hodiaŭ.
Kaj pardonu al ni niajn ŝuldojn,
kiel ankaŭ ni pardonas al niaj ŝuldantoj.
Kaj ne konduku nin en tenton,
sed liberigu nin de la malbono.

Ĉar Via estas la regno
kaj la potenco
kaj la gloro
eterne. Amen. – Mat 6, 9-13

Preĝo

Restu ĉe ni, Sinjoro Jesuo Kristo, ĉar estas jam vespere.
Akompanu nin sur la vojo;
bruligu la koron en ni kaj veku nian esperon.
Donu, ke en la komuno de la gefratoj
ni ekkonu Vin en la Skriboj kaj en la dispecigo de pano,
Vin, kiu vivas kaj regas kun Dio, la Patro,
en unueco kun la Sankta Spirito,
nun kaj eterne. Amen. – kp. Luk 24, 13-35

FINA RITO

Se oni preĝas sola,
aŭ, en komunumo, se ne ĉeestas pastro aŭ diakono:

Beno

Dio benu nin.
Li gardu nin de ĉio malbona
kaj konduku nin al la vivo eterna. Amen.

Sed en komunumo, se ĉeestas pastro aŭ diakono:

Beno kaj Elsendo

La Sinjoro estu kun vi.

Kaj kun via spirito.

Benu vin la ĉiopova Dio, la Patro kaj la Filo kaj la Sankta Spirito.

Amen.

La vespera laŭdo finiĝis. Iru en paco.

Al Dio estu danko. – laŭ Meslibro p. 166, ADORU 095.21