printebla versio Strukturo de la Breviero

Vespera Laŭdo ☐

Breviero > Ordinara Tempo > Kvar-semajna Psalmaro > Kvara Semajno > Merkredo > Vespera Laŭdo

MALFERMO

Dio, atentu helpi min.

Rapidu subteni min. – kp. Psa 70 (69), 2

Gloro al la Patro kaj al la Filo kaj al la Sankta Spirito,

kiel en la komenco, tiel nun kaj ĉiam kaj en eterno. Amen. Haleluja.

HIMNO

Sol, ecce, lentus occidens

Jen: Lante iras for la sun'
de l' montoj, kampoj kaj de l' mar'.
«Adiaŭ», triste diras ĝi,
kaj: «Ĝis morgaŭa lum-reven'!»

Mirante ni admiras Vin,
pro Via saĝo, ho Kreint':
Alternan ordon donis Vi
de ombro kaj de nova hel'.

Mallum', premanta per silent',
plenigas la eteron nun,
laboroforton prenas for
kaj nin invitas al kviet'.

Ni tamen viglas en l' esper',
ke nin ĝojigos Via bril',
la lumo de l' eterna Vort',
la splendo de la Patra glor'.

Ho vera Suno sen subir',
ho klara senvespera Tag',
deziras Vin la tuta ter',
ĉieloj prijubilas Vin.

Al ni donacu ĝui Vin
senfine en serena lum',
ho Patro, Filo kaj Spirit',
per novaj kantoj glori Vin. Amen.

PSALMODIO

Unua Antifono

¶ Mirinda estas por mi Via sciado, tro alta.

Unua Psalmo – Psa 139 (138), 1-12

Ho Eternulo, Vi min esploras kaj min konas. / Vi scias, kiam mi sidas kaj kiam mi leviĝas; *
Vi komprenas mian penson de malproksime.

Kiam mi iras kaj kiam mi ripozas, Vi estas ĉirkaŭ mi, *
kaj ĉiujn miajn vojojn Vi konas.

Ĉar antaŭ ol troviĝas vorto sur mia lango, *
jen, ho Eternulo, Vi ĉion jam scias.

De malantaŭe kaj de antaŭe Vi ĉirkaŭ-baris min *
kaj metis sur min Vian manon.

Mirinda estas por mi tia sciado, tro alta; *
mi ĝin ne povas kompreni. ¶

Kien mi iros for de Via spirito? *
Kaj kien mi kuros for de Via vizaĝo?

Se mi leviĝos al la ĉielo, Vi estas tie; *
se mi kuŝiĝos en Ŝeol, jen Vi tie estas.

Ĉu mi okupos la flugilojn de la maten-ruĝo, *
ĉu mi loĝiĝos sur la rando de la maro:

ankaŭ tie Via mano min kondukos, *
kaj Via dekstra mano min tenos.

Se mi diros: Mallumo min kovros, *
kaj la lumo ĉirkaŭ mi fariĝos nokto:

eĉ mallumo ne mallumas antaŭ Vi, / kaj la nokto lumas kiel tago; *
mallumo fariĝas kiel lumo. ¶

Gloro al la Patro kaj al la Filo *
kaj al la Sankta Spirito,

kiel en la komenco, tiel nun kaj ĉiam *
kaj en eterno. Amen.

Unua Antifono

¶ Mirinda estas por mi Via sciado, tro alta.

Dua Antifono

¶ Mi esploras la internon,
por redoni al ĉiu laŭ lia konduto. – el Jer 17, 10

Dua Psalmo – Psa 139 (138), 13-24

Ĉar Vi kreis mian internaĵon, *
formis min en la ventro de mia patrino.

Mi gloras Vin, ĉar mi estas mirinde kreita; / mirindaj estas Viaj kreitaĵoj, *
kaj mia animo tion bone konscias.

Ne estis kaŝitaj antaŭ Vi miaj ostoj, / kiam mi estis kreata en kaŝiteco, *
kiam mi estis formata en la profundo de la tero.

Mian embrion vidis Viaj okuloj, / kaj en Via libro estis enskribitaj ĉiuj tagoj destinitaj, *
kiam ankoraŭ eĉ unu ne ekzistis.

Kiel grand-valoraj estas por mi Viaj pensoj, ho Dio! *
Kiel granda estas ilia nombro!

Se mi ilin kalkulus, ili estus pli multaj ol la sablo; *
kiam mi vekiĝas, mi estas ankoraŭ kun Vi. ¶

Esploru min, ho Dio, kaj konu mian koron; *
provu min kaj sciu miajn pensojn.

Kaj rigardu, ĉu mi estas sur malbona vojo, *
kaj gvidu min sur la vojo de eterneco. ¶

Gloro al la Patro kaj al la Filo *
kaj al la Sankta Spirito,

kiel en la komenco, tiel nun kaj ĉiam *
kaj en eterno. Amen.

Dua Antifono

¶ Mi esploras la internon,
por redoni al ĉiu laŭ lia konduto. – el Jer 17, 10

Tria Antifono

¶ Ĉio kreiĝis per li, kaj por li.
En li ĉio ekzistas.

Kantiko – Kol 1, 12-20

Danku la Patron, kiu taŭgigis nin / por partopreno en la heredaĵo *
de la sanktuloj en lumo,

kaj liberigis nin el la potenco de mallumo, / kaj transportis nin *
en la regnon de la Filo de Sia amo;

en kiu ni havas la elaĉeton, *
la pardonon de pekoj. ¶

Li estas bildo de la nevidebla Dio, *
la unue-naskito inter la tuta kreitaro;

ĉar en li kreiĝis ĉio *
en la ĉielo kaj sur la tero,

ĉio videbla kaj nevidebla, *
ĉu tronoj, ĉu regecoj,

ĉu estrecoj, ĉu aŭtoritatoj; *
ĉio kreiĝis per li, kaj por li.

Kaj li estas antaŭ ĉio, *
kaj en li ĉio ekzistas. ¶

Kaj li estas la kapo de la korpo, *
la eklezio.

Kaj li estas la komenco, / la unue-naskita el la mortintoj, *
por ke li fariĝu superulo en ĉio.

Ĉar la Patro bon-volis, *
ke en li la tuta pleneco loĝu;

kaj per li kun-akordigi ĉion al Si mem, *
pacon farinte per la sango de lia kruco;

per li ĉion, *
ĉu sur la tero, ĉu en la ĉielo. ¶

Gloro al la Patro kaj al la Filo *
kaj al la Sankta Spirito,

kiel en la komenco, tiel nun kaj ĉiam *
kaj en eterno. Amen.

Tria Antifono

¶ Ĉio kreiĝis per li, kaj por li.
En li ĉio ekzistas.

VORTO DE DIO

Legaĵo – 1 Joh 2, 3-6

Kaj per ĉi tio ni scias, ke ni konas lin: se ni observas liajn ordonojn.
Kiu diras: Mi lin konas, kaj ne observas liajn ordonojn, tiu estas mensoganto, kaj la vero ne estas en li;
sed en ĉiu ajn, kiu observas lian vorton, vere perfektiĝis la amo al Dio.
Per ĉi tio ni scias, ke ni estas en li:
kiu diras, ke li restas en li, tiu mem devus tiel iradi, kiel li iradis.

Responsorio

Gardu min kiel la pupilon de la okulo. Per la ombro de Viaj flugiloj kaŝu min.

Gardu min kiel la pupilon de la okulo. Per la ombro de Viaj flugiloj kaŝu min.

Montru Vian mirindan favor-korecon.

Per la ombro de Viaj flugiloj kaŝu min.

Gloro al la Patro kaj al la Filo kaj al la Sankta Spirito.

Gardu min kiel la pupilon de la okulo. Per la ombro de Viaj flugiloj kaŝu min. – Psa 17 (16), 8.7a

LAŬDKANTO

Antifono

¶ Li montris forton per Sia brako,
Li dispelis fierulojn en la penso de ilia koro.

Laŭdkanto de Maria (Magnificat) – Luk 1, 46-55

Mia animo altigas la Eternulon, *
kaj mia spirito ĝojis en Dio, mia Savanto,

ĉar Li rigardis la humilecon de Sia sklavino; *
ĉar jen de nun ĉiuj generacioj nomos min feliĉa.

Ĉar la Potenculo faris al mi grandaĵojn, *
kaj sankta estas Lia nomo.

Kaj Lia boneco estas por ĉiuj generacioj *
al tiuj, kiuj Lin timas. ¶

Li montris forton per Sia brako, *
Li dispelis fierulojn en la penso de ilia koro.

Li malaltigis potenculojn de iliaj tronoj, *
kaj Li altigis humilulojn.

Malsatulojn Li plenigis per bonaĵo, *
kaj riĉulojn Li forsendis malplenaj. ¶

Li helpis Sian servanton Izrael, *
memorante Sian kor-favoron.

Kiel Li parolis al niaj patroj, *
al Abraham kaj al lia idaro eterne. ¶

Gloro al la Patro kaj al la Filo *
kaj al la Sankta Spirito,

kiel en la komenco, tiel nun kaj ĉiam *
kaj en eterno. Amen.

Antifono

¶ Li montris forton per Sia brako,
Li dispelis fierulojn en la penso de ilia koro.

PREĜADO

Petoj

Ætérno Patri, cuius misericórdia in pópulum suum magnificáta est usque ad cælos, exsultántibus córdibus acclamémus:

Laeténtur omnes, qui sperant in te, Dómine.

Dómine, qui misísti Fílium tuum non ut iúdicet mundum, sed ut salvétur mundus per ipsum,
—da ut mors eius gloriósa in nobis fructum suum áfferat copiósum.

Qui sacerdótes tuos minístros Christi et tuórum constituísti mysteriórum dispensatóres,
—ipsis concéde cor fidéle, sciéntiam et caritátem.

Quos vocásti ad castitátem propter regnum cælórum,
—fac ut intemeráta fidelitáte Fílium tuum sequántur.

Qui hóminem ab inítio másculum et féminam creásti,
—omnes serva famílias in amóre sincéro.

Qui, per Christi oblatiónem, hóminum peccáta abstulísti,
—ómnibus defúnctis remissiónem tríbue peccatórum.

¶ Ĝoju ĉiuj, kiuj Vin esperas.

Patro nia

Patro nia, kiu estas en la ĉielo,
sanktigata estu Via nomo.
Venu Via regno.
Fariĝu Via volo,
kiel en la ĉielo, tiel ankaŭ sur la tero.

Nian panon ĉiutagan donu al ni hodiaŭ.
Kaj pardonu al ni niajn ŝuldojn,
kiel ankaŭ ni pardonas al niaj ŝuldantoj.
Kaj ne konduku nin en tenton,
sed liberigu nin de la malbono.

Ĉar Via estas la regno
kaj la potenco
kaj la gloro
eterne. Amen. – Mat 6, 9-13

Preĝo

Ho Eternulo,
Vi satigas la malsatajn per ĉielaj bonaĵoj.
Memoru Vian kor-favoron,
kaj donacu al nia malriĉo la abundon de Viaj riĉaĵoj.
Pri tio ni petas per nia Sinjoro Jesuo Kristo, Via Filo,
kiu vivas kaj regas kun Vi en unueco kun la Sankta Spirito,
Dio en ĉiuj jarcentoj. Amen.

FINA RITO

Se oni preĝas sola,
aŭ, en komunumo, se ne ĉeestas pastro aŭ diakono:

Beno

Dio benu nin.
Li gardu nin de ĉio malbona
kaj konduku nin al la vivo eterna. Amen.

Sed en komunumo, se ĉeestas pastro aŭ diakono:

Beno kaj Elsendo

La Sinjoro estu kun vi.

Kaj kun via spirito.

Benu vin la ĉiopova Dio, la Patro kaj la Filo kaj la Sankta Spirito.

Amen.

La vespera laŭdo finiĝis. Iru en paco.

Al Dio estu danko. – laŭ Meslibro p. 166, ADORU 095.21