| 
| 
| 
Ĉu ... preĝi | mediti | ricevi instigojn || kanti | muziki || informiĝi | legi | studi || prepari Diservon
reen al la libroj de la Biblio
1 Vortoj de la Predikanto, filo de David, reĝo en Jerusalem.
2 Vantaĵo de vantaĵoj, diris la Predikanto; vantaĵo de vantaĵoj, ĉio estas vantaĵo. 3 Kian profiton havas la homo de ĉiuj siaj laboroj, kiujn li laboras sub la suno?
4 Generacio foriras kaj generacio venas,
kaj la tero restas eterne.
5 Leviĝas la suno kaj subiras la suno,
kaj al sia loko ĝi rapidas, kaj tie ĝi leviĝas.
6 Iras al sudo kaj reiras al nordo,
turniĝas, turniĝas en sia irado la vento,
kaj al siaj rondoj revenas la vento.
7 Ĉiuj riveroj iras al la maro,
sed la maro ne pleniĝas;
al la loko, al kiu la riveroj alfluas,
ili alfluas ĉiam denove.
8 Ĉiuj aferoj estas lacigaj,
ne povas homo tion eldiri;
ne satiĝas la okulo de vidado,
kaj ne pleniĝas la orelo de aŭdado.
9 Kio estis, tio estos;
kaj kio estis farata, tio estos farata;
kaj ekzistas nenio nova sub la suno.
10 Ekzistas io, pri kio oni diras: Vidu, ĉi tio estas nova;
sed ĝi estis jam en la eterna tempo, kiu estis antaŭ ni.
11 Ne restis memoro pri la antaŭuloj;
kaj ankaŭ pri la posteuloj, kiuj estos,
ne restos memoro ĉe tiuj, kiuj estos poste.
12 Mi, Predikanto, estis reĝo super Izrael en Jerusalem. 13 Kaj mi decidis en mia koro esplori kaj ekzameni per la saĝo ĉion, kio fariĝas sub la ĉielo: ĉi tiun malfacilan okupon Dio donis al la homidoj, por ke ili turmentiĝu per ĝi. 14 Mi vidis ĉiujn aferojn, kiuj fariĝas sub la suno; kaj jen, ĉio estas vantaĵo kaj entreprenoj ventaj. 15 Kurbigitan oni ne povas rerektigi, kaj mankantan oni ne povas kalkuli. 16 Mi meditis kun mia koro tiele: Jen mi kreskigis kaj multigis en mi sciencon pli ol ĉiuj, kiuj estis antaŭ mi en Jerusalem; kaj mia koro penetris multon da saĝo kaj scio. 17 Sed kiam mi dediĉis mian koron, por ekkoni la saĝecon kaj ekkoni la malsaĝecon kaj sensencecon, mi eksciis, ke ankaŭ ĉi tio estas ventaĵo.
18 Ĉar ĉe multe da saĝeco
estas multe da zorgemeco;
kaj, kiu plimultigas siajn sciojn,
tiu plimultigas siajn dolorojn.
Libro: Predikanto/Kohelet
Ĉapitro: 1 >>
1 Vortoj de la Predikanto, filo de David, reĝo en Jerusalem.
2 Vantaĵo de vantaĵoj, diris la Predikanto; vantaĵo de vantaĵoj, ĉio estas vantaĵo. 3 Kian profiton havas la homo de ĉiuj siaj laboroj, kiujn li laboras sub la suno?
4 Generacio foriras kaj generacio venas,
kaj la tero restas eterne.
5 Leviĝas la suno kaj subiras la suno,
kaj al sia loko ĝi rapidas, kaj tie ĝi leviĝas.
6 Iras al sudo kaj reiras al nordo,
turniĝas, turniĝas en sia irado la vento,
kaj al siaj rondoj revenas la vento.
7 Ĉiuj riveroj iras al la maro,
sed la maro ne pleniĝas;
al la loko, al kiu la riveroj alfluas,
ili alfluas ĉiam denove.
8 Ĉiuj aferoj estas lacigaj,
ne povas homo tion eldiri;
ne satiĝas la okulo de vidado,
kaj ne pleniĝas la orelo de aŭdado.
9 Kio estis, tio estos;
kaj kio estis farata, tio estos farata;
kaj ekzistas nenio nova sub la suno.
10 Ekzistas io, pri kio oni diras: Vidu, ĉi tio estas nova;
sed ĝi estis jam en la eterna tempo, kiu estis antaŭ ni.
11 Ne restis memoro pri la antaŭuloj;
kaj ankaŭ pri la posteuloj, kiuj estos,
ne restos memoro ĉe tiuj, kiuj estos poste.
12 Mi, Predikanto, estis reĝo super Izrael en Jerusalem. 13 Kaj mi decidis en mia koro esplori kaj ekzameni per la saĝo ĉion, kio fariĝas sub la ĉielo: ĉi tiun malfacilan okupon Dio donis al la homidoj, por ke ili turmentiĝu per ĝi. 14 Mi vidis ĉiujn aferojn, kiuj fariĝas sub la suno; kaj jen, ĉio estas vantaĵo kaj entreprenoj ventaj. 15 Kurbigitan oni ne povas rerektigi, kaj mankantan oni ne povas kalkuli. 16 Mi meditis kun mia koro tiele: Jen mi kreskigis kaj multigis en mi sciencon pli ol ĉiuj, kiuj estis antaŭ mi en Jerusalem; kaj mia koro penetris multon da saĝo kaj scio. 17 Sed kiam mi dediĉis mian koron, por ekkoni la saĝecon kaj ekkoni la malsaĝecon kaj sensencecon, mi eksciis, ke ankaŭ ĉi tio estas ventaĵo.
18 Ĉar ĉe multe da saĝeco
estas multe da zorgemeco;
kaj, kiu plimultigas siajn sciojn,
tiu plimultigas siajn dolorojn.
