| 
| 
| 
Ĉu ... preĝi | mediti | ricevi instigojn || kanti | muziki || informiĝi | legi | studi || prepari Diservon
reen al la libroj de la Biblio
1 Ne el amiko fariĝu malamiko,
ĉar malbona famo heredigas malhonoron kaj honton.
Tion faras la pekulo dulanga.
2 Ne regu vin via pasio,
por ke ĝi ne formanĝu vin, kvazaŭ virbovo;
3 viajn foliojn ĝi mangos kaj viajn fruktojn ĝi neniigos,
kaj vi postrestos kiel seka ŝtipo.
4 Fia pasio neniigas tiun, kiu ĝin havas,
kaj faras lin mokindaĵo por liaj kontraŭuloj.
5 Ĝentila parolo ĉie faras amikojn
kaj trafaj vortoj ĉie logas plaĉan respondon.
6 Multaj vivu en paco kun vi,
sed nur unu el inter mil estu via konsilanto.
7 Se amikon vi volas havi, unue elprovu lin,
kaj ne tro rapide fidu je li.
8 Kiam taŭgas la momento, li ja estas amiko,
sed en tagoj de mizero li ne restos.
9 Kaj estas amiko, kiu fariĝas malamiko;
je via hontigo li malkaŝas vian malpacon.
10 Estas amiko, kiu sidas kun vi ĉe la tablo,
sed en tago de mizero li ne fidelas al vi.
11 En prospera tempo li flankas je vi,
kaj li amike rilatas al viaj servistoj.
12 Sed se vi perdos bonfarton, li estos kontraŭ vi,
kaj ne plu lasos sin vidi.
13 Tenu vin for de viaj malamikoj,
kaj atentu pri viaj amikoj.
14 Fidinda amiko estas fortika ŝirmilo;
kiu lin trovas, tiu trovas trezoron.
15 Fidinda amiko ne estas pagebla,
lian belon ne eblas pesi.
16 Fidinda amiko estas eliksiro de la vivo;
kiuj timas antaŭ la Sinjoro, tiuj trovos lin.
17 Kiu timas antaŭ la Sinjoro, tiu gardas rektan amikecon,
ĉar kia estas li mem, tia estas lia proksimulo.
18 Infano mia, de junaĝo akceptu disciplinon,
kaj ĝis via maljuneco vi trovos Saĝecon.
19 Kiel la pluganto kaj la semanto vi rilatu al Ŝi,
kaj vi atendu Ŝiajn bonajn fruktojn;
ĉar laborante pri Ŝi nur mallonge vi devos penegi
kaj baldaŭ vi manĝos Ŝiajn fruktojn.
20 Kiel severa Ŝi estas al la neinstruitoj;
la malsaĝulo ne eltenas resti ĉe Ŝi.
21 Kiel ŝtono, kiu peze elprovas lin, Ŝi ŝarĝas lin,
kaj li ne hezitos por deĵeti Ŝin.
22 Ĉar la Saĝeco estas laŭ sia famo:
ne por multaj Ŝi estas atingebla.
23 Aŭskultu, infano mia, akceptu mian opinion,
kaj ne rifuzu mian konsilon.
24 Enmetu viajn piedojn en Ŝiajn piedĉenojn,
kaj vian kolon en Ŝian kolumon.
25 Submetu vian ŝultron kaj portu Ŝin
kaj ne ĝeniĝu pro Ŝiaj katenoj.
26 Per via tuta animo vi aliru al Ŝi,
kaj per tuta via forto vi sekvu Ŝiajn vojojn.
27 Elspuru, elserĉu Ŝin, kaj vi ekkonos Ŝin,
kaj kiam vi Ŝin havos, ne plu delasu Ŝin!
28 Fine vi ja trovos kvieton ĉe Ŝi,
kaj Ŝi fariĝos ĝojo por vi.
29 Tiam Ŝiaj katenoj por vi estos forta ŝirmilo,
kaj Ŝia kolumo estos honora vestaĵo.
30 Ĉar ora ornamo estas sur Ŝi,
kaj Ŝiaj katenoj estas ŝnuroj purpuraj.
31 Vi vestos Ŝin kiel honoran vestaĵon,
kaj kiel ĝojkronon, tiel vi metos Ŝin sur vian kapon.
32 Se vi nur deziras, infano mia, vi lernos,
kaj se vi plenkore sindediĉas, vi estos lerta.
33 Se vi volonte aŭskultas, vi instruiĝos,
kaj se vi klinos la orelon, vi estos saĝa.
34 Troviĝu meze de la pliaĝuloj,
kaj se iu estas saĝa, daŭre aŭskultu lin.
35 Precipe sekvu ĉiun religian interparolon,
kaj saĝaj sentencoj ne eskapu vin.
36 Se vi trovas scianton, frumatene vizitu lin,
kaj la sojlojn de lia pordo via piedo eluzu.
37 Restu mense ĉe la ordonoj de la Sinjoro,
kaj liajn preskribojn ĉiam pripensu:
Li mem fortigos vian koron,
kaj la Saĝecon, kiun vi serĉas, vi ricevos.
Libro: Siraĥido
<< Ĉapitro: 6 >>
1 Ne el amiko fariĝu malamiko,
ĉar malbona famo heredigas malhonoron kaj honton.
Tion faras la pekulo dulanga.
2 Ne regu vin via pasio,
por ke ĝi ne formanĝu vin, kvazaŭ virbovo;
3 viajn foliojn ĝi mangos kaj viajn fruktojn ĝi neniigos,
kaj vi postrestos kiel seka ŝtipo.
4 Fia pasio neniigas tiun, kiu ĝin havas,
kaj faras lin mokindaĵo por liaj kontraŭuloj.
5 Ĝentila parolo ĉie faras amikojn
kaj trafaj vortoj ĉie logas plaĉan respondon.
6 Multaj vivu en paco kun vi,
sed nur unu el inter mil estu via konsilanto.
7 Se amikon vi volas havi, unue elprovu lin,
kaj ne tro rapide fidu je li.
8 Kiam taŭgas la momento, li ja estas amiko,
sed en tagoj de mizero li ne restos.
9 Kaj estas amiko, kiu fariĝas malamiko;
je via hontigo li malkaŝas vian malpacon.
10 Estas amiko, kiu sidas kun vi ĉe la tablo,
sed en tago de mizero li ne fidelas al vi.
11 En prospera tempo li flankas je vi,
kaj li amike rilatas al viaj servistoj.
12 Sed se vi perdos bonfarton, li estos kontraŭ vi,
kaj ne plu lasos sin vidi.
13 Tenu vin for de viaj malamikoj,
kaj atentu pri viaj amikoj.
14 Fidinda amiko estas fortika ŝirmilo;
kiu lin trovas, tiu trovas trezoron.
15 Fidinda amiko ne estas pagebla,
lian belon ne eblas pesi.
16 Fidinda amiko estas eliksiro de la vivo;
kiuj timas antaŭ la Sinjoro, tiuj trovos lin.
17 Kiu timas antaŭ la Sinjoro, tiu gardas rektan amikecon,
ĉar kia estas li mem, tia estas lia proksimulo.
18 Infano mia, de junaĝo akceptu disciplinon,
kaj ĝis via maljuneco vi trovos Saĝecon.
19 Kiel la pluganto kaj la semanto vi rilatu al Ŝi,
kaj vi atendu Ŝiajn bonajn fruktojn;
ĉar laborante pri Ŝi nur mallonge vi devos penegi
kaj baldaŭ vi manĝos Ŝiajn fruktojn.
20 Kiel severa Ŝi estas al la neinstruitoj;
la malsaĝulo ne eltenas resti ĉe Ŝi.
21 Kiel ŝtono, kiu peze elprovas lin, Ŝi ŝarĝas lin,
kaj li ne hezitos por deĵeti Ŝin.
22 Ĉar la Saĝeco estas laŭ sia famo:
ne por multaj Ŝi estas atingebla.
23 Aŭskultu, infano mia, akceptu mian opinion,
kaj ne rifuzu mian konsilon.
24 Enmetu viajn piedojn en Ŝiajn piedĉenojn,
kaj vian kolon en Ŝian kolumon.
25 Submetu vian ŝultron kaj portu Ŝin
kaj ne ĝeniĝu pro Ŝiaj katenoj.
26 Per via tuta animo vi aliru al Ŝi,
kaj per tuta via forto vi sekvu Ŝiajn vojojn.
27 Elspuru, elserĉu Ŝin, kaj vi ekkonos Ŝin,
kaj kiam vi Ŝin havos, ne plu delasu Ŝin!
28 Fine vi ja trovos kvieton ĉe Ŝi,
kaj Ŝi fariĝos ĝojo por vi.
29 Tiam Ŝiaj katenoj por vi estos forta ŝirmilo,
kaj Ŝia kolumo estos honora vestaĵo.
30 Ĉar ora ornamo estas sur Ŝi,
kaj Ŝiaj katenoj estas ŝnuroj purpuraj.
31 Vi vestos Ŝin kiel honoran vestaĵon,
kaj kiel ĝojkronon, tiel vi metos Ŝin sur vian kapon.
32 Se vi nur deziras, infano mia, vi lernos,
kaj se vi plenkore sindediĉas, vi estos lerta.
33 Se vi volonte aŭskultas, vi instruiĝos,
kaj se vi klinos la orelon, vi estos saĝa.
34 Troviĝu meze de la pliaĝuloj,
kaj se iu estas saĝa, daŭre aŭskultu lin.
35 Precipe sekvu ĉiun religian interparolon,
kaj saĝaj sentencoj ne eskapu vin.
36 Se vi trovas scianton, frumatene vizitu lin,
kaj la sojlojn de lia pordo via piedo eluzu.
37 Restu mense ĉe la ordonoj de la Sinjoro,
kaj liajn preskribojn ĉiam pripensu:
Li mem fortigos vian koron,
kaj la Saĝecon, kiun vi serĉas, vi ricevos.
