reen al la libroj de la Biblio

Ĉapitro 1      Ĉapitro 2      Ĉapitro 3      Ĉapitro 4      Ĉapitro 5      Ĉapitro 6      Ĉapitro 7      Ĉapitro 8      Ĉapitro 9      Ĉapitro 10      Ĉapitro 11      Ĉapitro 12      Ĉapitro 13      Ĉapitro 14      Ĉapitro 15      Ĉapitro 16      Ĉapitro 17      Ĉapitro 18      Ĉapitro 19      Ĉapitro 20      Ĉapitro 21      Ĉapitro 22      Ĉapitro 23      Ĉapitro 24      Ĉapitro 25      Ĉapitro 26      Ĉapitro 27      Ĉapitro 28      Ĉapitro 29      Ĉapitro 30      Ĉapitro 31      Ĉapitro 32      Ĉapitro 33      Ĉapitro 34      Ĉapitro 35      Ĉapitro 36      Ĉapitro 37      Ĉapitro 38      Ĉapitro 39      Ĉapitro 40      Ĉapitro 41      Ĉapitro 42      Ĉapitro 43      Ĉapitro 44      Ĉapitro 45      Ĉapitro 46      Ĉapitro 47      Ĉapitro 48      Ĉapitro 49      Ĉapitro 50      Ĉapitro 51

Libro: Siraĥido

<<    Ĉapitro: 8    >>

    1 Ne luktu kontraŭ potenculo:
    vi povus trafi en liajn manojn!
    2 Ne kverelu kun riĉulo:
    li povus sentigi al vi sian superecon.
    Multajn ja pereigis la oro:
    eĉ korojn de reĝoj ĝi misgvidis.
    3 Ne argumentu kun babilemulo:
    sur lian fajron vi ne metu ŝtipojn.
    4 Ne ŝercu kun senklerulo:
    vi povus malhonori viajn prapatrojn.
    5 Ne hontigu iun, kiu sin forturnis de la peko:
    pripensu, ke ni ĉiuj estas punindaj.
    6 Ne malhonoru maljunulon:
    el ni ja formiĝas la maljunuloj.
    7 Ne ĝoju pri ies morto:
    pripensu, ke ni ĉiuj mortas.
    8 Ne forgestu la argumentadojn de saĝuloj
    kaj daŭre pripensu iliajn sentencojn;
    ĉar ĉe ili vi lernos instruon
    kaj servadi al la plej grandaj.
    9 Ne ignoru la argumentadojn de maljunuloj,
    ĉar ili mem estis instruitaj de siaj patroj;
    ĉar de ili vi lernos komprenon
    kaj respondi en la trafaj momentoj.
    10 Ne instigu la brulon de pekulo,
    por ke vi ne bruliĝu je liaj flamoj.
    11 Ne lasu vin konfuziĝi de senhonta mokanto:
    li povus neatendite impliki vin en viaj diroj.
    12 Ne pruntu monon al homo, kiu estas pli potenca ol vi,
    kaj se vi pruntas, konsideru ĝin perdita.
    13 Ne estu garantianto super via kapablo,
    kaj se vi estas garantianto, atendu, ke vi pagos.
    14 Ne procesu kontraŭ juĝisto,
    ĉar oni juĝos lin laŭ lia ŝatateco.
    15 Kun riskemulo ne ekvojaĝu:
    li povus endanĝerigi vin,
    ĉar li ja agas laŭ sia deziro,
    kaj dank' al lia stulteco vi pereus.
    16 Kontraŭ kverelemulo ne batalu,
    kaj ne trairu kun li la dezerton:
    ĉar sango en liaj okuloj valoras ne multe,
    kaj kiam al vi mankas helpo, li terenbatas vin.
    17 Kun malsaĝulo ne konsiliĝu,
    ĉar li ne povas gardi sekreton.
    18 Antaŭ fremdulo ne faru ion sekretan,
    ĉar vi ne scias, kio diskoniĝos.
    19 Ne al ĉiu homo malfermu la koron,
    ne provu tiamaniere fariĝi ŝatata.

<<    Ĉapitro: 8    >>