| 
| 
| 
Ĉu ... preĝi | mediti | ricevi instigojn || kanti | muziki || informiĝi | legi | studi || prepari Diservon
reen al la libroj de la Biblio
1 Ne estu ĵaluza je la virino de via koro,
ne instruu al ŝi ion malbonan: ĝi trafus vin.
2 Ne tiel liveru vian animon al virino,
ke ŝi regu pri via forto.
3 Ne proksimiĝu al malĉastulino:
vi povus kaptiĝi en ŝiaj insidoj.
4 Kun kantistino ne rilatadu:
vi povus sorĉiĝi de ŝia delogeco.
5 Pri virgulino ne tro fantaziu:
la puno pro ŝi vin povus pereigi.
6 Ne donu vian koron al publikulinoj:
vi povus elspezi pri ili vian heredaĵon.
7 Ne ĉirkaŭrigardu en la stratoj de la urbo
nek vagadu tra ĝiaj kvietaj kvartaloj.
8 Deturnu vian okulon de belforma virino
kaj ne atentu pri belo, kiu apartenas al iu alia;
beleco de virino jam devojigis multajn,
ĉar ĝi, kvazaŭ fajron, igus bruli la amon.
9 Neniam eksidu ĉe virino edzinigita
kaj ne estu ŝia kuntrinkanto ĉe festeno:
vi povus aminkliniĝi al ŝi kaj sangokovrite enfali la morton.
10 Malnovan amikon ne delasu,
ĉar nova amiko ne egalas je li:
nova amiko estas nova vino:
kiam ĝi fariĝis malnova, kun plezuro vi trinkos ĝin.
11 Ne enviu al pekulo ties gloron,
ĉar vi ne scias, kia estos lia fino.
12 Ne plaĉu al vi la bonfarto de malpiuloj:
memoru, ke ĝis en Hadeso ili ne estos justigitaj.
13 Tenu vin for de homo, kiu havas la povon mortigi:
tiam vi eĉ ne scios, kio estas mortotimo.
Se vi proksimiĝas, faru nenion malĝustan:
li povus rabi al vi la vivon.
Konsciu, ke vi marŝas meze de kaptiloj,
ke vi iras sur remparoj de urbo.
14 Laŭ ebleco atentu pri viaj proksimuloj,
kaj konsiliĝu kun saĝuloj.
15 Via rezonado okazu kun prudentaj homoj,
kaj kion vi diras, tio limiĝu je la leĝo de la Plejaltulo.
16 Justuloj estu viaj kunmanĝantoj,
kaj en timo antaŭ la Sinjoro vi fieru.
17 Pro la mano de la farintoj laŭdiĝas iu verko,
kaj la gvidanto de popolo estas saĝa en sia vorto.
18 Timigilo de la urbo estas babilemulo,
kaj rapidlangulon oni malŝatas.
Libro: Siraĥido
<< Ĉapitro: 9 >>
1 Ne estu ĵaluza je la virino de via koro,
ne instruu al ŝi ion malbonan: ĝi trafus vin.
2 Ne tiel liveru vian animon al virino,
ke ŝi regu pri via forto.
3 Ne proksimiĝu al malĉastulino:
vi povus kaptiĝi en ŝiaj insidoj.
4 Kun kantistino ne rilatadu:
vi povus sorĉiĝi de ŝia delogeco.
5 Pri virgulino ne tro fantaziu:
la puno pro ŝi vin povus pereigi.
6 Ne donu vian koron al publikulinoj:
vi povus elspezi pri ili vian heredaĵon.
7 Ne ĉirkaŭrigardu en la stratoj de la urbo
nek vagadu tra ĝiaj kvietaj kvartaloj.
8 Deturnu vian okulon de belforma virino
kaj ne atentu pri belo, kiu apartenas al iu alia;
beleco de virino jam devojigis multajn,
ĉar ĝi, kvazaŭ fajron, igus bruli la amon.
9 Neniam eksidu ĉe virino edzinigita
kaj ne estu ŝia kuntrinkanto ĉe festeno:
vi povus aminkliniĝi al ŝi kaj sangokovrite enfali la morton.
10 Malnovan amikon ne delasu,
ĉar nova amiko ne egalas je li:
nova amiko estas nova vino:
kiam ĝi fariĝis malnova, kun plezuro vi trinkos ĝin.
11 Ne enviu al pekulo ties gloron,
ĉar vi ne scias, kia estos lia fino.
12 Ne plaĉu al vi la bonfarto de malpiuloj:
memoru, ke ĝis en Hadeso ili ne estos justigitaj.
13 Tenu vin for de homo, kiu havas la povon mortigi:
tiam vi eĉ ne scios, kio estas mortotimo.
Se vi proksimiĝas, faru nenion malĝustan:
li povus rabi al vi la vivon.
Konsciu, ke vi marŝas meze de kaptiloj,
ke vi iras sur remparoj de urbo.
14 Laŭ ebleco atentu pri viaj proksimuloj,
kaj konsiliĝu kun saĝuloj.
15 Via rezonado okazu kun prudentaj homoj,
kaj kion vi diras, tio limiĝu je la leĝo de la Plejaltulo.
16 Justuloj estu viaj kunmanĝantoj,
kaj en timo antaŭ la Sinjoro vi fieru.
17 Pro la mano de la farintoj laŭdiĝas iu verko,
kaj la gvidanto de popolo estas saĝa en sia vorto.
18 Timigilo de la urbo estas babilemulo,
kaj rapidlangulon oni malŝatas.
