Esperante Adoru

Esperanto Unua paĝo || A - Z | Adoru | Biblio | Breviero | Meslibro | Traktatoj | Trezorejo | | | |

Ĉu ... preĝi | mediti | ricevi instigojn || kanti | muziki || informiĝi | legi | studi || prepari Diservon



SPIRITAJ IMPULSOJ


<=    de la 23a de majo 2020    =>


sabato




ĈI-TAGA VORTO

lotita de la Frataro de Herrnhut

  Rigardu, mi proponas al vi hodiaŭ benon kaj malbenon:
benon, se vi aŭskultos la ordonojn de la Eternulo, via Dio, kiujn mi ordonas al vi hodiaŭ;
kaj malbenon, se vi ne aŭskultos la ordonojn de la Eternulo, via Dio.

el Rea 11,26-28



LEGAĴO(J) KAJ EVANGELIO

laŭ la rom-katolika liturgio
(solenoj, festoj, dimanĉoj,
sed anstataŭ la memortagoj la kuranta serio)

Ago 18, 23-28

Joh 16, 23b-28




EKUMENA BIBLIA LEGADO

laŭ la germana Ekumena Laborunuiĝo por la Legado de la Biblio

1 Tim 6,1-10

1 Ĉiuj subjugaj sklavoj rigardu siajn estrojn kiel indajn je ĉia honoro, por ke la nomo de Dio kaj la doktrino ne estu blasfemataj. 2 Kaj tiuj, kiuj havas kredantajn estrojn, ne malestimu ilin tial, ke ili estas fratoj, sed servu al ili tiom pli, ĉar tiuj, kiuj partoprenas en la Didonaco, estas fidelaj kaj amataj. Tion instruu kaj konsilu. 3 Se iu instruas malsame kaj ne konsentas al sanaj vortoj, la vortoj de nia Sinjoro Jesuo Kristo, kaj al la laŭpieca doktrino, 4 tiu estas fanfaronema, nenion sciante, sed malsana je demandoj kaj privortaj diskutoj, de kiuj naskiĝas envio, malpaco, mallaŭdoj, malbonaj suspektoj, 5 disputadoj de homoj mense perversigitaj kaj senigitaj je la vero, supozantaj, ke la pieco estas gajnilo. 6 Sed la pieco kun kontenteco estas granda gajnilo; 7 ĉar ni nenion enportis en la mondon, kaj ni ne povas ion forporti; 8 sed havante manĝaĵojn kaj vestojn, ni estos per tio kontentaj. 9 Tamen tiuj, kiuj volas riĉiĝi, falas en tenton kaj kaptilon kaj multajn malsaĝajn kaj malutilajn dezirojn tiajn, kiaj dronigas la homojn en detruo kaj pereo. 10 Ĉar la amo al mono estas radiko de ĉia malbono; celante al tio, kelkaj forvagis de la fido kaj sin trapikis per multaj malĝojoj.



ETA PREĜO

de Jelly Koopmans-Schotanus

  Mia Patro,
montru al mi, kiel mi povas servi Vin.
Mi ne meditu egoiste, sed unue trovu la vojon al la alia, kiu bezonas helpon.
Nur se mi plenumas Vian volon rilate ilin, mi vere trovos Vin.



supren al la komenco de la paĝo