| 
| 
| 
Ĉu ... preĝi | mediti | ricevi instigojn || kanti | muziki || informiĝi | legi | studi || prepari Diservon
SPIRITAJ IMPULSOJ
<= de la 5a de januaro 2020 =>
dimanĉo
ĈI-JARA VORTO
(Ekumena Laborunuiĝo por Bibliolegado)|
Multaj diradas: Kiu montros al ni bonon? Direktu sur nin la lumon de Via vizaĝo, ho Eternulo! |
Psa 4,7
ĈI-MONATA VORTO
(Ekumena Laborunuiĝo por Bibliolegado)2a Dimanĉo post Kristnasko
ĈI-SEMAJNA VORTO
(Evangelia Eklezio en Germanujo, Ordo de la Perikopoj)Psa 138
Mi gloras Vin el mia tuta koro; *
antaŭ la dioj mi Vin prikantas.
Mi kliniĝas antaŭ Via sankta templo, *
kaj mi gloras Vian nomon por Via boneco kaj vereco;
ĉar Vi grandigis pli ol ĉio *
Vian nomon per Via vorto.
En la tago, kiam mi vokis, Vi aŭskultis min, *
Vi donis forton al mia animo.
Gloros Vin, ho Eternulo, ĉiuj reĝoj de la tero, *
ĉar ili aŭdis la vortojn de Via buŝo.
Kaj ili prikantos la vojojn de la Eternulo; *
ĉar granda estas la gloro de la Eternulo.
Ĉar kvankam la Eternulo estas alte, / tamen Li rigardas humilulon, *
kaj fierulon Li rimarkas de malproksime.
Kvankam mi iras meze de suferoj, *
tamen Vi konservas mian vivon;
kontraŭ la kolero de miaj malamikoj Vi etendas Vian brakon, *
kaj Via dekstra mano min helpas.
La Eternulo plenumos por mi. / Ho Eternulo, Via boneco estas eterna; *
la kreitaĵojn de Viaj manoj ne forlasu.
ĈI-TAGA VORTO
(lotita de la Frataro de Herrnhut)|
Patro de ĉiu vivo, donacu al mi abundan amon por ĉiu, kiun mi renkontas. Liberigu min de ĉiu ŝanceliĝo. Ĉio en mi laŭdu Vian sanktan nomon. Donu al mi la fortojn de la eterna vivo. |
